Рӯзи Конститутсияи Ҷумҳурии Тоҷикистон муборак!

Муштариён, шарикон ва ҳамкорони гиромӣ!

Ширкати «Телекомм Технолоджи» (ТТЛ) шуморо ба муносибати Рӯзи Конститутсияи Ҷумҳурии Тоҷикистон самимона табрик мегӯяд!

Конститутсия – пояи давлатдорӣ, кафолати ҳуқуқу озодиҳои инсон ва рамзи ваҳдату масъулияти муштарак барои ояндаи кишварамон аст. Ин ҷашн арзиши сулҳу осоиштагӣ, эҳтироми мутақобил ва меҳнати созандаро ба мо ёдрас месозад.

Мо ба муштариёнамон барои эътимод, ба шариконамон барои ҳамкории боэътимод ва ба ҳамкоронамон барои маҳорати касбӣ ва садоқат ба кор изҳори сипос менамоем. Якҷо бо шумо мо технологияҳои муосири алоқаро рушд медиҳем, одамонро ба ҳам мепайвандем ва барои муошират, таҳсил ва соҳибкорӣ имкониятҳои нав фароҳам меорем.

Дар ин рӯзи фархунда ба шумо ва наздиконатон саломатии бардавом, рӯзгори обод ва эътимод ба фардоро орзу мекунем. Бигзор дар ҳар хонадон сулҳу ҳамдигарфаҳмӣ ҳукмфармо бошад ва Тоҷикистони азизи мо ҳамеша ободу шукуфон бошад!

Бо эҳтиром,

ҳайати кормандони ширкати «Телекомм Технолоджи» (ТТЛ)